A Hoistoda kriagt a Osichtskochtn. Auf des auffi pockt a drei Kufan und focht zon Flughofn auf Soizburg aussi. De zwoa Zöllner lossn eahm de Kufan aufmochn. De ächt Kufa is a kloana gwesn mit seine persönlichn Sochn wia a Zondbiaschtl usw. Bon zweitn Kufa, gonz a groußa, is scho interessanta woan - e is pumvoi mit lauta Budamoasna. Tua ins amoi den drittn Kufa auf (genau so grouß wia da Zweit)! Wos seh'hens, die zwoa Zöllner - genauso pumvoi mit Budamoasna! Hiaz erklär ins dei Lieferung, wos host mit de vien Brote vor. Jo, sogt da Sepp, des ko i enk scho dazön. I ho a Osichtskochtn vo Mallorca vo mein Spetzl aus da Gosa kriagt und do steht drauf: Sepp, komm runter auf Mallo, ich kann dir sagen, sowas hast du noch nicht gesehen. Azurblauer Himmel, türkisblaues Meer, ein sehr gutes Bier, ein superschöner Strand, gute Musik, jeden Tag Tanz, wunderschöne Mädchen und - und "schnacksln" kannst du um ein Butterbrot!
Unsere schönen Alpenblumen
Dort beim See do drunt, wo der tiafste Grund,
Hot a Bleamal bliaht, goa so zoat und liab.
Hob ma's denkt bei mir, s'wär mei schenste Zier,
Hob mi niedaduckt und s'Bleamal brockt.
Wia i's hoam hob trogn, fongts glei o zon klogn,
Schaut mi traurig o, moat: "Wos host davo?
Konn hiaz neama bliahn, muaß mei Freid volian,
S'tuat ma goa so weh, wü nur zruck zum See."
I wü sorgn für di, wonnst nur bliahst für mi,
Wü di trogn vor Lust, an der treuen Brust.
Aber weg is g'wen, hot nit leben megn,
Hot sie g'sehnt vor Weh, zruck zum tiafn See.
In Erinnerung gebracht: Eva Maria Egger
Dialektgedichte
Hugo Schanovsky, Karl Stieler, Walter Egger, u.v.m.
Edgar Wallace:
Es is umigla vom Edgar Wälles nit gfesselt z'wern, liest da Onkl Pepi laut.
Des soida bo mia grod prowiern, sogt die Tant, bo mia häd a a Dedschn, bevor a no um an Schtrick greifn kunnt.
FKK:
Host g'hert, sogt da Onki Pepi, de Maia, insre Nochban, san zon effkaka gong.
Des wunacht mi go nit, sogt de Tant, des san oiwei scho oite Nazi gwesn.
Auf Kur:
Wia da Onkl Pepi auf Kua gwesn is, hot eam de Tant im postsgribbdum gschrim:
I hetda eh im Briaf gän a Geid midgschickt, owa i ho eam scho zuapickt ghobt.
Im Krieg:
Won da Onkl Pepi zon dazön ofongt, fongt a glei mit'n Kriag o:
Gloffn sama, sogida, gloffn, dass d'Topfakeitsmeddein grod so gschebad hot.
Entführung:
Wos sogatst den wons mi entfiratn, frogt de Tant en Onki.
I lossat di im aktenzeichen ix ibbsilon suah'n, wonst no an Jo no nit dohoam wast.
Diebstahl:
Mei Resi, sogt da Onki, schloft so tiaf, dass is stein (stehlen) kinnt'n, ohne dass is merekat.
Wiaso stiest es oft nit?, frogt da Schwoga.
Wei ma grod des stiet, wos ma hom mecht und nit hot.
Beim Heurigen:
Won d'Weana beim Heirign sizzn, singans no zwoa viadl grean Weldlina: vakaufts mei Gwond, i foa in Himmi.
Lauta laare Voschprechungen; easstns vokaufns Gwond nit, sondan vasezzns en Doroteeum und zweitns foans nit en Himmi, sondan hoam no Oddagring oda Heanois.